提示：本文共有 4791 个字，阅读大概需要 10 分钟。
集《心理追凶》入面，一个变态牛杂铺太子爷弑母嘅剧情，引起全城热议。由何远东饰演嘅唐俊文，煎一个冬菇头，一副老老实实嘅样，无谂到竟然用刀捅死自己妈妈，抛尸嘅过程中，尸水仲流入牛杂...
有好多观众都表示超级恐怖核凸..咩话？咁就惊喇？你要知道历年来喺香港发生嘅真实恐怖命案，比电视剧令人心凉得多！先嚟睇下香港十大奇案，系香港十宗最残忍、最离奇嘅杀人案件，有部分因为作案手法太残忍奇特，都曾经被搬上荧幕。
1、雨夜屠夫案
香港开埠过百年，最令人心寒嘅真实命案非雨夜屠夫案莫属。1982年2月11日，警方喺沙田城门河发现一个女性人头同埋一对女子手臂。后来证实到系属于22岁嘅夜总会领班陈凤兰，从而揭开咗一宗极其凶残嘅肢解命案！《一号法庭》 入面就有根据呢宗命案改编嘅剧情。
因为线索不足，警方一直后无头绪。但6个月后，警方接到旺角一间冲印公司职员报案，话有人拿咗一批人体性*官嘅特写照片嚟晒相。于是警方就通过职业提供嘅资料拘捕嚟摞相嘅男子，同时喺男子住所入面搜获过千件证物，包括女性*官嘅标本、部份残肢、手术器材、大批照片以及录影带，仲有一批受害人嘅私人物品。呢名咁冷血嘅凶手系正系27岁嘅雨夜杀手林过云!
陈凤兰系第一个受害者，林过云第一次行凶当日，陈凤兰凌晨4点收工同朋友饮酒，不幸坐上咗林过云嘅 的士。林过云就动起杀心，喺车上用电线将陈凤兰勒死， 然后将尸体带翻屋企奸尸...第二日，林过云喺陈凤兰银包入面摞咗五百蚊，买咗个电锯，然后将陈凤兰肢解成七块，再用报纸包好放入胶袋内，抛弃喺城门河入面。
之后林过云多喺雨夜犯案，先后杀害咗四名女性，将尸体带返屋企强奸，肢解做成标本，将性器官放入雪柜保存。而林过云喺法庭上表示杀死第一个人嘅时候完全无犯罪感，因对方系妓女，自己只系替天行道。而杀死第二、三个受害人系因为自己上咗瘾。但系杀到第四个嘅时候，已经开始厌倦。而第四个死者仲系一名17岁嘅女学生，林过云表示自己都唔明点解要杀佢。好多人觉得林过云应该有精神病或心理状况异常，但警方为林过云做过多项测验、 甚至脑电波图 ，但结果正常，犯罪只为满足佢唔正常嘅性要求。
2、Hello Kitty藏尸案
Hello Kitty藏尸案发生于1999年的香港，系当年轰动一时嘅杀人案。案中23岁女死者樊敏仪，系一名夜总会舞女，1997年年因为要筹医药费比家人，偷咗马夫陈文乐几千蚊港币（亦都有人话系差落陈文乐毒品债）。
于是陈文乐就吩咐梁胜祖同梁伟伦向受害人追债。但系佢地却不断提高债款，逼到受害人无力偿还。1999年3月17日，几个人就将樊敏仪禁锢喺尖沙咀加连威老道一个住宅单位，迫佢饮尿、食屎、严重殴打、烧受害人身体，最终导致受害人死亡，三个人仲残忍咁将受害人肢解、煮尸，将受害人个头塞落一个Hello Kitty公仔入面，其余残肢就煮熟后被弃置 喺案发现场嘅棚顶！
根据特赦证人、即案中梁伟伦嘅15岁女朋友喺庭上作证， 受害人被禁锢期间，几乎每日都被毒打，又会用火机烧吸管，将熔液滴落受害人脚背度，又曾经灌受害人饮生油、用木棍喺受伤人伤口上摩擦、将尿液射在受害人口中。到咗后期发现受害人已经奄奄一息，就用火机烧佢，等佢有反应！要知道呢三名作出以上如此残忍行嘅行凶者年龄最细嗰个只有19岁！
03 空姐溶尸案
空姐溶尸案发生于1989年5月，当时警方接到市民投诉附近有恶丑，就去到沙田一条村落嘅一幢西班牙式丁屋作调查，警方到场调查后，发现一副严重腐烂嘅女性残肢，被收埋喺冲凉房一个铁箱入面，于是当场拘捕一对怀疑涉案个男女，揭发出一段孽缘导致嘅凶杀案。
案中被告黄大卫，因为一脚搭两船，同时与两名女子交往，两女争一男就肯定会有纠纷。当时住喺凶案现场对面嘅居民表示，当晚曾经听到案发单位传出两个女人激烈嘅吵交声，后来有把男人声介入，居民就话感觉男子系有意偏帮其中一方，后来吵交声就突然停止。原来其中一名女子28岁国泰空姐黄紫君被杀，两人后来以腐蚀性液体将死者溶咗...
呢宗命案最令人惊讶嘅系，原本两人被判有罪，已经喺监狱服刑中，但系后来佢地提出上诉。女被告突然推翻之前嘅所有证供，揽晒所有罪名，令男被告黄大卫当庭释放！真心唔知呢个男被告有咩过人之处值得为佢咁样做...而女被告就由谋杀改判成误杀。最终于喺1994年被释放....
4、纸盒藏尸案
纸盒藏尸案系1974年12月16日发生嘅一宗谋杀案。香港首宗纸盒藏尸案，案情峰回路转轰动全港，首次无人证，只引用科学鉴证协助破案，更成为一个重要嘅争论点。
案中被判刑嘅欧阳炳强，系一间雪糕店嘅维修员，受害人就系到呢间雪糕店借电话之后失踪第二日被发现藏尸喺纸盒入面，而且弃置喺雪糕店门口，榆树警方调查后，就怀疑欧阳炳强同呢单案有关。最后法院判佢有罪，但系欧阳炳强系咪真系杀人凶手，至今 都引起世人争论。
例如犯人嘅心理素质一啲疑点都无，据说当时欧阳炳强一直唔认罪，警察为咗破案半夜打电话去佢屋企冒充死者亡灵，佢居然一啲反应都无！当年喺认罪书上签字佢仲表示：“我虽然签字，但系唔代表系我做嘅！”
而欧阳炳强嘅妻子曾多次为丈夫寻找大律师上诉，官司打到上伦敦枢密院，但最后 都唔成功。而此案至今仍有唔少疑点，例如：纸盒上嘅指印唔系欧阳炳强嘅；案发地点 搵唔到死者嘅指纹；警方都一直搵唔到死者嘅随身物品。而警方喺死者身上发现嘅269条纤维，只有其中7条同欧阳炳强衣服嘅纤维吻合。
直到02年9月，喺监狱度过28年嘅欧阳炳强假释出狱，但老婆同仔女早就不见踪影。专门有记者嚟采访欧阳柄强当年究竟有无杀人，佢就表示案子已经划上句号，有生之年都唔想再提起……
5、八仙饭店灭门案
八仙饭店灭门案系1985年轰动一时嘅凶杀案。疑凶黄志恒涉嫌杀害澳门八仙饭店东主一家九口以及一名员工，死者年龄由7岁至70岁。当凶案被揭发后，外界盛传凶徒将死者肢解煮成叉烧包，而且喺饭店售卖，震惊成个香港及澳门，根据呢宗案件改编嘅电影《人肉叉烧包》上映后，更一度令全港叉烧包滞销。
案件系从发现残肢开始嘅。1985年8月8日中午，路环黑沙海滩附近浮出8件残肢，经警方点算，当中有4只右脚脚掌、两只左脚脚掌同两只手掌。当时残肢已经严重腐烂、浸喺海水超过两日，警方推断，断定遇害人数最少4人。
澳门司警曾经怀疑系偷渡客遇上鲨鱼，但系肢体嘅切口非常整齐，其中断掌手指被压扁，似系被人刻意毁灭指纹。两日后，又喺附近发现一只女性左手手掌，三日后，再次发现一只女性右掌、一只右脚脚踭。面对11件残肢，警方即刻成立专案小组，喺调查过程中，仲邀请大陆法医 协助化验，但调查并无进展。
1986年4月，系发现肢体8个月后，一封八仙饭店东主细佬嘅来信，成为破案嘅关键。信中提到自己哥哥去澳门多年，但系上年八月初突然失踪，而哥哥嘅八仙饭店以及物业则由黄志恒接手。自己知道最近澳门又发现人体残肢，担心哥哥一家遇害，希望警方可以仔细查下。后来警方立即将黄志恒抓捕，有咗目标嫌疑人后，好快搜集到证据控诉黄志恒故意杀人罪。
入狱后黄志恒披露案发经过，全因为店主郑林欠债唔还而激起杀心。黄志恒同八仙饭店东主经常一齐赌钱，案发前一年，黄志恒有一晚赢咗18万，郑林当时应承一年内还请，而且口头承诺还唔到就用饭店抵债。而呢一年黄志恒多次追债都无收到钱。直至案发当晚八仙饭店收铺后，黄志恒又来到饭店追债，结果双方发生冲突， 黄志恒就将全家灭门，仲承认用咗8个钟将尸体碎尸肢解，然后放入黑色胶袋掉落垃圾箱。
6、康怡花园烹尸案
1988年2月23日下午，一名28岁嘅女子正准备离开康怡花园D座单位，当时佢见到阿妈喺度抹地，鼻上有血渍，同时又发现 阿爸不知所踪。经过询问之下，阿妈坦白：“你阿爸想用毛毡焗死我，所以我已经用铁鎚杀死佢!”
之后女子再都无见过阿爸。一开始佢以为系阿妈乱讲嘢呃佢，唔系真系杀咗阿爸，后来越来越觉得可疑终于忍唔住报警。原来呢个家庭惨剧系因为丈夫包二奶，喺过去二十多年来，夫妻关系都好恶劣，后来妻子联同几个亲戚将丈夫绑起身，要求作出金钱上嘅补偿，点知被拒绝。丈夫松绑后用硬物袭击佢，于是妻子就用刀将丈夫杀死、肢解、煮熟之后弃置。
女儿发现后报警，令全港第一宗搵唔到尸体嘅肢解案正式曝光，有化验师曾经到过凶案单位搜集证供。当时见到屋内连一件家俬都无，都无任何尸首，净系发现其中一间睡房嘅柜、窗帘、墙壁、墙脚及天花有血渍。
7、佳宁谋杀案
佳宁案历时十七年，涉及款项达六十六亿，诉讼费更超过两亿！但主谋前佳宁集团主席陈松青只系被判入狱三年，其中一年几系喺羁留病房渡过！而三个同案件有密切关系嘅人却离奇死亡！
一个系律师温树宝，被发现喺寓所泳池溺水身亡，最后证实系自杀。另一个系法官柏嘉，喺审结陈松青等人嘅一年后，喺塞浦路斯发生交通意外不治身亡；柏嘉太太于93年亦宣告破产。最令人印象深刻嘅就系大马裕民财务嘅财务总监伊巴谦。1983年，佢专责到港查核佳宁集团一笔四十亿元嘅贷款，之后佢嘅尸首被发现弃置于大埔火车站附近嘅蕉林内，警方相信佢系被人勒死 ！
经过调查，警方很快逮捕咗马来西亚籍犯罪嫌疑人。嫌疑人承认系自己处理尸体，但唔承认参与谋杀。更向警方表示谋杀系由一个韩国人受陈松青嘅命令做嘅。最终案件由廉署接手，经过一年几嘅侦查，廉署喺伦敦拘捕准备再次潜逃嘅两名嫌疑人。同时，香港方面拘捕咗陈松青同另外两名董事。
8、秀茂坪烧尸案
1997年5月，年仅16岁、花名阿鸡嘅受害人陆志伟，被一班飞仔认为佢出卖咗大家，将佢非法禁锢，实施一连串「家法」：例如人肉打桩机等等，经过三个钟惨无人道嘅对待之后，陆志伟重伤不治。于是行凶者喺陆志伟面上淋上腐蚀溶液，将佢嘅尸体装喺纸箱入面拖到垃圾堆焚烧，弃于垃圾房。后来其中一名被殴打嘅目击者喺医院中向警方透露案情，于是将案件揭发。
涉案嘅行凶者一共十四个人，但令人心寒嘅系佢地作案嘅时候全部十八岁都未够!
9、三狼奇案
三狼案发生于1959年至1961年嘅香港，三位绑匪戴上豺狼面具作案，绑架富商黄锡彬之子黄应求，并将人质嘅耳仔割咗落嚟，向家人勒索赎金，后来警方喺浅水湾山坡挖出黄应求嘅骸骨，最后警方成功破案，揭发命案系熟人所为！
三狼案嘅审讯过程充满戏剧性，而且不时会喺证人及被告口中爆出震撼嘅案情及内幕，被告更指曾受警方嘅威逼恐吓与毒打。至于三名被告亦分别为自己嘅谋杀罪辩护，而且不约而同表示：净系参与咗绑架富商黄氏父子，对儿子黄应求嘅死亳不知情；更指出供词只系警方吩咐佢地搬字过纸。呢宗命案 都喺1989年被搬上银幕（《三狼奇案》，由郑则士、梁家辉及徐锦江主演）。
10、宝马山双尸案
宝马山双尸案系香港喺80年代最严重嘅童党杀人事件，发生于1985年4月20日。就读于港岛英童学校一对英国籍情侣，Kenneth McBride及Nicola Myers喺前往香港岛北角赛西湖公园之后失踪。
第二日，有人喺当时仍系荒地嘅北角宝马山配水库附近发现两人嘅尸体，男死者双手被反绑，身上伤痕多达数百处，而女死者死状就更加恐怖，几乎全身赤裸，左眼球跌出，下颚被打碎，全身有五百几个地方受伤。经验尸后证实两人系被人乱棍打死，而且女死者曾被强奸，系男死者死后因失救而死。
事后，警方根据女死者体内的精液、以及凶案现场遗下的女死者内衣及凶器，拘捕一群当时年仅16、17岁嘅华籍童党，1985年11月，警方拘捕涉及此案嘅童党。1987年，呢班童党因谋杀罪被判死刑。到咗1992年，港督会同行政局按照惯例赦免佢地嘅死刑，改判终身监禁。
以上总结的香港十大奇案
大多数发生喺上世纪
而近代凶残命案其实都仲有好多
可能只系无被报道
要知道，现实比电视剧残忍得多
END
丨图文编辑：三水潮生活
丨投稿、建议、商业合作：13318354882
责任编辑：
看到此处说明本文对你还是有帮助的，关于“恐怖慎入！香港10大真实奇案 比电视剧恐怖NNNN倍...”留言是大家的经验之谈相信也会对你有益，推荐继续阅读下面的相关内容，与本文相关度极高！
