提示：本文共有 2061 个字，阅读大概需要 5 分钟。
记得细个果阵，每次妈妈带我去北京路都会经过呢条貌似八爪鱼噶天桥。我一直觉得距好神奇又好壮观，每次上去都要系单车道上面玩滑滑梯，唔知点解八爪鱼噶单车道比任何天桥都要陡，所以我都好中意呢条“滑梯”。慢慢我就中意上咗呢条八爪鱼了，但果时，我殊不知距系同我一齐出世噶。我都唔知距噶将来会系点样。
慢慢，我长大了。我再都唔会系八爪鱼度玩滑滑梯，只不过每次经过都会行单车道，而唔行楼梯。行八爪鱼成为我去北京路噶必经之路，都系我必定要玩噶地方。再到后嚟，同妈妈系图书馆整咗个借书证，去八爪鱼噶次数就更多了。但我似乎忽略咗距，每次都无声噶经过，每次都无声咁系上面行，只系依然默默叫距“八爪鱼”。
我一直以为只有我一个人叫距八爪鱼，但系，一个星期前，我先知道原来大家，老广州人，广州仔，都叫距八爪鱼。可能距真系一条八爪鱼挂，虽然距唔可以食。但系就当我知道了，却发现距要离开了。八爪鱼始终经过15年后，都系要被食咗去。大家都话距已经老化，话距楼梯太陡唔适宜人行。但系却唔知道系我哋心中已经默默将距放系心中，永远记住距了。
于是几日以来我都好怕，好怕再都见唔到距了。知道距离开噶时间后，我就决定，要去送距最后一程。至少我要见距最后一面，虽然我唔敢肯定，我会唔会后悔。但系我觉得我已经错过一次了，恩宁路，猎德村噶过去我已经再到稳唔翻，如今系同我一齐长大噶八爪鱼啊。如果我都唔去，就枉我同距相识咁多年了。
于是计划好时间，收拾好相机。
昨晚放学后就冲咗过去了。其实翻到屋企，妈妈就同我讲唔好傻啦，唔好去啦。我都犹豫过，毕竟快要考试了，我仲到处走。但系我真系唔舍得，真系放唔低距。距系我朋友啊，如果就咁走咗，我会后悔一世噶。我唔想到时候我连距个样都唔记得。而且我上网查过后，知道坐车去都唔系太远，有车去到。上微薄睇，系宁我坚定噶原因。陈sir都去咗！我知道距一定都唔舍得噶。从恩宁路距就一直系度记录记载住广州噶变迁，我知道今次距都一样，我知道距都唔舍得，所以见到距拿住单反出现了！距都去了，咁就唔系傻，咁就一定有意义。而且见到好多广州仔发围脖话好多人系果度，令我坚定了。
大家，要傻就一齐傻拉。我都知道咁样好矫情。
但系我依然要去，依然要坚持我噶霖法。既然冇人同我去，我就自己去啦。
于是坐上车，我就去咗了。为咗可以影到白天噶照片，我一定要系天黑之前去到，所以我一定要赶到去！落车我就即刻冲咗过去，我唔理会路人噶眼神，我一定要坚持。临近八爪鱼，我终于见到距了，距已经同平时唔同了，伤痕累累，卑红白蓝包住。但系依然噶钢架结构，你依然系我噶八爪鱼。见到桥上桥下好多人拿住单反、相机、手机系度影相，我知道大家都一样，唔舍得。于是我都加入距哋噶行动中，一起记录最后噶八爪鱼。
见到好多学生都系度讲，记得发微博啊，果然微博神通广大啊，可以令我坚定信心，都可以令唔可以嚟噶人见到呢个时刻。嗯，大家一齐怀念啦。大家噶面上有微笑都有凄戚，心情大有不同。不过大家都好谦让。见到有人影噶地方就先停一停卑距赢完再影。广州人，真正噶广州人应该就系咁噶了挂。大家噶爱心，都显现出嚟了。于是我都不停咁影，见到好多单反，好羡慕，单反果然可以影出好靓噶照片。等我赚到钱了，我要自己买一部单反，记录广州噶变迁，记录老广州。
从天仲光影到天黑了，我先发觉已经过咗一个钟了。内存都已经唔够了，删咗几张相，睇下人哋影相，睇下八爪鱼噶最后遗颜，怀念一下以前噶日子，就霖住走了，唔系就冇的翻屋企了。但系就系呢个时候，某位仁兄突然叫我帮距拿下相机，好啦，我当时又呆咗，只好“啊？”一声接过镜头。仔细睇下你，你噶相机，你拆三脚架噶样，真系好羡慕，但系放心啦，虽然我羡慕嫉妒恨，但系我唔会抢咗就走人噶。呵呵。话说你部机超型！你都几靓仔啊，以后一定要做一个好人，做一个好噶广州人。事后你讲咗句多谢，我就走咗了，路上只系霖住点解唔同你讲多几句话，点解唔趁机勒索几张相。
却唔知道我已经行错路。于是越行越唔妥，点解咁耐都见唔到面包店？！反应过嚟，先知道原来我行错路！好囖，果然同八爪鱼有缘分啊，只后行翻转头。先发觉自己行咗相反噶路。唉唉，又见到你影相噶背影，三脚架超型！爆想要！算啦，就走了。
搞清楚，确认系边条路之后，就走了，回头望咗几下。又有人问我点解咁多人系度影相。已经系第二个了。之前系桥上就已经有人问我点解。好啦，算你哋愚昧啦，我耐心咁回答咗，就走了。
回忆系桥上，好多人好多人噶心都系桥上面辗转，果然大家，都系广州人啊！
“今晚就拆拉，影翻两张相啦。”
“记得发微博啊，记得讲滴相发卑我啊。”
“唔讲啦，我有事（一个讲电话噶拿住单反噶男噶追住一条上咗八爪鱼噶狗）。”就追咗只狗去了。
“以后都见唔到距了。”
“好唔舍得啊。”
……
大家，只要你哋有呢份心，我就开心了。至少广州人果份心，依然在此。
至少如此，广州就唔会败了。
希望见到呢篇文章噶广州仔，分享下你哋噶最后一晚，我冇见到最后拆噶一瞬间，都好唔舍得，我怕。
希望你哋分享下照片同故事。
纪念我心中的八爪鱼，纪念老广州的回忆。2011年拆除，退出历史舞台。——文明路文德路天桥看到此处说明本文对你还是有帮助的，关于“八爪鱼的故事”留言是大家的经验之谈相信也会对你有益，推荐继续阅读下面的相关内容，与本文相关度极高！
