提示：本文共有 942 个字，阅读大概需要 2 分钟。
涯哩岭南有两个才子，一个系宋湘，另一个系李文固，李文固系梅县人，系明末清初该下人，客家人好话齐家都听过李文固哩个名，佢留落来介故事流传好多，有兜故事讲好听就话‘风流才子’，屋咔人讲介家就系‘蛇哥头’。李文固自幼聪明，有滴呛周星驰介唐伯虎，李文固后生声时喜欢窝攀阵游山玩水，有一次，李文固窝四五挲去攀阵介柑园摘柑食，柑园笛山脚下，柑园前有条山路一直窦到山岽，山上掂掂有人割烧，下山必经过柑园。李文固几兜挲正摘紧山柑推，哩下山路有六七个妹斋割烧转，隔有好远就听到‘男人婆’唱山歌。‘男人婆’十八九细，生倒屶靓，该下人话介：黄蜂腰来鲫鱼喙，十人看倒九人爱，猪嫲看倒尽dup喙，虾公看倒打乱退，黄狗看倒尽供背。男人婆十奔礁咧，十奔声（4声），讲煨又大声，到今闲吂卖（该下人十五六细卖正常），一般后生哥都畏佢，唔敢惹佢。齐家听倒山歌望去，看倒剀烧转介系男人婆带头行，有人提出打赌，看咧挲敢惹男人婆，咧挲去齐家就派钱请佢食大餐。李文固点子多，佢话，涯敢去摸佢齐家介乌身，闲敢窝佢兜挲jip喙（亲嘴），齐家唔信，打赌成交。李文固话，等男人婆几兜挲行过柑园，仪兜挲笛柑园肚囥唔好出来，涯笛前头母洒奔仪兜看。李文固行到柑园前城百米，男人婆等行过柑园就奔李文固拦倒，李文固话，涯柑园介柑唔见好多，肯定奔仪兜挲偷摘去哩。男人婆就大声话：冇惹脧咹闲去摘柑，人家剀烧冇停冇豆。李文固话，涯唔信，除非奔涯搜身，男人婆也来气了，搜就搜！李文固就搜男人婆介乌身，冇，望向其他妹斋，该兜妹斋看男人婆都奔佢搜了，也就笑歪笑歪奔佢搜，全部搜后，冇。男人婆正话剀起担来走，李文固刹刹又拦倒男人婆，唔肯奔佢走话，柑涯冇搜倒，可能奔仪兜挲食踢哩，奔涯鼻下喙正知有冇，男人婆就系男人婆，鼻就鼻！李文固上前就鼻空斗霾霾去鼻（隔孝远，呛亲嘴），一个接一个全部鼻秋正奔佢齐家走。大餐就咹得推定了。再讲一个，李文固结攀游山，格格县官介妹也游山，县官介妹尿急，跍笛树脚下屙尿，李文固看到就吟诗一首:尿从支上出，尿动支唔动，尿去支闲在，空支摇两摇。县官介妹笑歪死，鹤县官知，话李文固调戏佢，县官喊来李文固，爱来收拾佢，李文固话，涯文人吟诗斯斯文文，何来调戏之有？当堂念：鸟从枝上出，鸟动枝唔动，鸟去枝闲在，空枝摇两摇。（梅县煨尿同鸟，支同枝）
看到此处说明本文对你还是有帮助的，关于“客家民间故事”留言是大家的经验之谈相信也会对你有益，推荐继续阅读下面的相关内容，与本文相关度极高！
